ڪراچي – 17 ڊسمبر (اي پي پي) صدر ممنون حسين ۽ چيني صدر زي جن پنگ چيو آهي ته پاڪستان ۽ چين جي اسٽريٽجڪ دوستي ٻنهي ملڪن جي عوام جي مفاد ۽ خطي جي امن ۽ استحڪام جي لاءِ ڏينهون ڏينهن مضبوط ۽ نسل درنسل اڳيان وڌي رهي آهي. صدر اها ڳالهه مزار قائد جي رنگ روغن ۽ چين پاران تحفي ۾ ڏنل خوبصورت فانوس کي روشن ڪرڻ جي افتتاحي تقريب کي خطاب ڪندي چئي. ان موقعي تي چين جي سفير چين جي صدر جو پيغام پڙهي ٻڌايو. صدر ممنون حسين چيو ته باباءِ قوم قائداعظم محمد علي جناح جمهوري آزادين، سماجي انصاف، معاشي ترقي ۽ پاڪستان جي استحڪام جي لاءِ جيڪو فڪر ڏنو اسان ان جي روشني ۾ پنهنجا قومي مقصد مڪمل ڪرڻ جي لاءِ سرگرم آهيون.
