لاهور – 12 ڊسمبر (اي پي پي) وزيراعظم محمد نواز شريف سان ترڪيءَ جي مذهبي معاملن واري صدر مهمت گورميز لاهور ۾ عالمي سيرت النبي صه ڪانفرنس جي موقعي تي ملاقات ڪئي. وزيراعظم محمد نواز شريف مهمت گورميز جي مسلمان امت جي لاءِ خدمتن جي حوالي سان ڪوششن کي خراج تحسين پيش ڪيو. ملاقات ۾ ان ڳالهه تي اتفاق ڪيو ويو ته مسلمان امت کي درپيش مسئلن جو واحد حل دين اسلام جي تعليم ۽ حضرت محمد صه جي سنت مبارڪ تي حقيقي معنيٰ ۾ عمل ڪرڻ ۾ آهي. وزيراعظم چيو ته پاڪستان ۽ مسلمان امت جو مسئلو اهو آهي ته اسان دهشتگردي جو شڪار آهيون. مهمت گورميز چيو ته اها ڳالهه افسوس جوڳي آهي ته دنيا ۾ هر جاءِ تي مختلف فرقن جون پنهنجون پنهنجون مسجدون آهن.