اسلام آباد – 28 ڊسمبر (اي پي پي) صدر ممنون حسين دهشتگردي ۽ انتهاپسندي جي خلاف جنگ ۾ انٽر سروسز انٽيليجنس (آءِ ايس آءِ) جي ڪردار کي ساراهيندي چيو آهي ته ملڪ جي دفاع لاءِ ملڪ جي اعليٰ انٽيليجنس اداري جون قربانيون ساراهه جوڳيون آهن. هن اها ڳالهه ايوان صدر ۾ نئين ڊي جي آءِ ايس آءِ ليفٽيننٽ جنرل نويد مختار سان ملاقات دوران ڳالهائيندي چئي. صدر اميد ظاهر ڪئي ته آءِ ايس آءِ قوم جي اميدن تي پورو لهندي ۽ اعليٰ انٽيليجنس ادارو دشمن جي ڪڌن ارادن کي شڪست ڏيندو.
