لاهور – 19 نومبر (اي پي پي) وزيراعظم محمد نواز شريف پاڪستان پيپلزپارٽي جي اڳواڻ سينيٽر جهانگير بدر مرحوم جي گهر ويو ۽ سندس لاڏاڻي تي گهرڀاتين سان تعزيت جو اظهار ڪيو ۽ مرحوم جي درجن جي بلندي لاءِ دعا ڪئي. هن جهانگير بدر جي گهرڀاتين سان ڳالهائيندي چيو ته مرحوم جي پارٽي لاءِ خدمتن کي سدائين ياد رکيو ويندو، مرحوم جي خدمتن کي خراج عقيدت پيش ڪندي هن چيو ته سندس لاڏاڻي سان پيدا ٿيندڙ خال ڪڏهن به نٿو ڀرجي سگهجي، گهرڀاتين سان تعزيت کانپوءِ صحافين سان ڳالهائيندي وزيراعظم محمد نواز شريف چيو ته جهانگير بدر مرحوم کي الله تعاليٰ جنت ۾ جاءِ ڏي، سندس درجا بلند فرمائي.
