اشڪ آباد – 26 نومبر (اي پي پي) وزيراعظم محمد نواز شريف چيو آهي ته علائقائي رابطا ۽ اقتصادي استحڪام پاڪستان جي پرڏيهي پاليسي جو مکيه جز آهن ۽ پاڪستان وچ ايشيا جي ملڪن ۾ گيٽ وي جو ڪردار ادا ڪري رهيو آهي. ٻن ڏينهن جي گلوبل سسٽين ايبل ٽرانسپورٽ ڪانفرنس کي خطاب ڪندي وزيراعظم چيو ته وچ ايشيا ۾ گيٽ وي جي طور تي پنهنجو ڪردار ادا ڪرڻ پاڪستان جي لاءِ وڏي خوشي جي ڳالهه آهي. وزيراعظم چيو ته پرامن پاڙيسريت جو نظريو پاڪستان جي پرڏيهي پاليسي جو بنيادي اصول آهي ۽ امن ۽ سلامتي کانسواءِ ترقياتي پاليسين جي اثرن مان فائدو نه ٿو کڻي سگهجي.
