اسلام آباد – 12 نومبر (اي پي پي) صدر ممنون حسين ڪمپنيز آرڊيننس 2016ع لاڳو ڪرڻ جي منظوري ڏئي ڇڏي آهي. ناڻي واري وفاقي وزير سينيٽر اسحاق ڊار هڪ بيان ۾ چيو آهي ته ڪمپنيز آرڊيننس 2016ع سمورين ڌرين سان تفصيلي مشاورت کانپوءِ لاڳو ڪيو ويو آهي. آرڊيننس جو مقصد پاڪستان ۾ ڪارپوريٽ سيڪٽر کي عالمي معيار موجب بڻائڻ آهي. نئين قانون سان معيشت ۾ بهتري ۽ اقتصادي ترقي جي شرح ۾ اضافو ٿيندو ۽ گڏيل ثالثي سان معاملن کي بهتر انداز ۾ حل ڪري سگهبو. اسحاق ڊار چيو ته ڪمپنيز آرڊيننس واپاري برادري جي پراڻي مطالبي کي مڪمل ڪرڻ طرف اهم اڳڀرائي آهي.
