اسلام آباد – 30 نومبر (اي پي پي) اطلاعات ۽ نشريات واري مملڪتي وزير مريم اورنگزيب چيو آهي ته تحريڪ انصاف وڪيل بدلائي ڇڏيا، دليل اهي ئي پراڻا آهن، اڄ به تحريڪ انصاف جا وڪيل ثبوت پيش ڪرڻ ۾ ناڪام رهيا. سپريم ڪورٽ ٻاهران صحافين سان ڳالهائيندي مملڪتي وزير مريم اورنگزيب چيو ته گذريل ڪيترن ئي مهينن کان جن ثبوتن بابت ڪوڙيون دعوائون قوم آڏو ڪيون پئي ويون، اهي ڪٿي آهن، انهن کي عدالت آڏو پيش ڪيو وڃي.
