اسلام آباد – 04 آڪٽوبر (اي پي پي) اطلاعات، نشريات ۽ قومي ورثي واري وفاقي وزير سينيٽر پرويز رشيد چيو آهي ته پارليامينٽ جي گڏيل اجلاس جو بائيڪاٽ عمران خان جي ذهني ڏيوالپڻي جي نشاني آهي، هو جمهوري ادارن ذريعي عوامي جذبا پيش ڪرڻ بدران انهن جي خلاف سازشن ۾ مصروف رهي ٿو. پنهنجي هڪ بيان ۾ وفاقي وزير چيو ته پارليامينٽ جو گڏيل اجلاس والاريل ڪشمير جي عوام سان يڪجهتي جي اظهار ۽ ڀارت جي جنگي جنون جي ڪوششن کي ناڪام بڻائڻ جي لاءِ چونڊيل ميمبرن کان راءِ ۽ تجويزون وٺڻ جي لاءِ گهرايو ويو آهي، عمران خان جي رويي مان خبر پوي ٿي ته هو قومي معاملن جي اهميت کي سمجهڻ کان محروم آهي.
