اسلام آباد – 17 آڪٽوبر (اي پي پي) اطلاعات، نشريات ۽ قومي ورثي واري وفاقي وزير سينيٽر پرويز رشيد چيو آهي ته پاڪستان ماحولياتي تبديلي جي منفي اثرن کي منهن ڏيڻ جو مڪمل عزم ڪيو آهي. ماحولياتي تبديلي بابت ڪانفرنس کي خطاب ڪندي وفاقي وزير پرويز رشيد چيو ته وزيراعظم محمد نواز شريف 30 نومبر 2015ع تي پيرس ڪانفرنس کي خطاب ڪندي ماحولياتي تبديلي جي باري ۾ پاڪستان جي پاليسي بيان ڪئي هئي جنهن ۾ هن چيو هو ته پاڪستان صلاحيت جي قابل متبادل ٽيڪنالوجيز، موثر توانائي لاءِ قدمن، ماس ٽرانسپورٽ سسٽم تي عملدرآمد، پن بجلي جي فروغ سميت گلوبل ايميشنز ۾ گهٽتائي ۽ ڪيترن ئي ٻين قدمن جو پڪو پهه ڪيو آهي جيڪو اسان جي ترقياتي حڪمت عملي جو حصو آهي.