مظفر آباد – 14 آڪٽوبر (اي پي پي) صدر ممنون حسين آزاد ڄمون ۽ ڪشمير جي ٽن ڏينهن جي دوري تي مظفر آباد پهچي ويو، دوري دوران هو آزاد ڪشمير قانونساز اسيمبلي ۽ ڪشمير ڪائونسل جي گڏيل اجلاس کي خطاب ڪندو. هيلي پيڊ تي صدر ممنون حسين جو آزاد ڪشمير جي صدر محمد مسعود خان، وزيراعظم راجا فاروق حيدر خان، اسپيڪر شاهه غلام قادر، سينئر وزير چوڌري طارق فاروق، چيف سيڪريٽري سڪندر سلطان، انسپيڪٽر جنرل پوليس بشير ميمڻ سميت اعليٰ عملدارن سندس استقبال ڪيو. مظفر آباد پهچڻ کانپوءِ وزيراعظم مختلف وفدن سان ملاقاتون ڪيون ۽ گڏيل دلچسپي جي معاملن تي خيالن جي ڏي وٺ ڪئي.