اسلام آباد – 18 آڪٽوبر (اي پي پي) وزيراعظم محمد نواز شريف چيو آهي ته آمريڪا پاڪستان جي وڏن واپاري حصيدار ادارن ۾ شامل آهي، ٻه طرفي واپار جي ماپي ۾ اضافو ٻنهي ملڪن جي مفاد ۾ آهي جيڪو گذريل پنجن سالن دوران تقريبن پنج ارب ڊالر رهيو آهي. هن اهڙن خيالن جو اظهار پاڪستان جي لاءِ آمريڪا جي واپاري نمائندي سفير مائيڪل فرومين سان ڳالهائيندي ڪيو. وزيراعظم چيو ته پاڪستان آمريڪا سان حصيداري ۾ وڌيڪ اضافو ڪندو ۽ اقتصادي لاڳاپن کي مضبوط بڻائيندو. هن وچ ايشيائي واپاري سيڙپڪاري فريم ورڪ معاهدي (ٽيفا) ۾ پاڪستان کي مبصر جو درجو ڏيڻ تي سفير جو ٿورو ادا ڪيو.