اسلام آباد – 29 سيپٽمبر (اي پي پي) صدر ممنون حسين ڀارت پاران لائين آف ڪنٽرول تي فائرنگ جي پرزور مذمت ڪندي چيو آهي ته ڀارت جنگي جنون کي هٿي وٺرائي خطي جي امن کي داءُ تي نه لڳائي، ملڪ جي لاءِ هٿياربند فوج ۽ عوام پوري طرح تيار ۽ متحد آهي، ڀارت والاريل ڪشمير ۾ جاري تشدد ۽ ظلم ۽ ستم تي پردو وجهڻ لاءِ اهڙا هٿڪنڊا استعمال ڪري رهيو آهي، پنهنجي بيان ۾ صدر چيو ته پاڪستان سفارتي محاذ تي ڪشمير جي مسئلي کي ڀرپور طريقي سان کنيو آهي جنهن سان ڀارت کي شڪست آئي آهي ۽ ان جو والاريل ڪشمير ۾ اصل چهرو سامهون آيو آهي.