اسلام آباد – 02 سيپٽمبر (اي پي پي) اطلاعات، نشريات ۽ قومي ورثي واري وفاقي وزير سينيٽر پرويز رشيد مردان ۾ دهشتگردي جي واقعي جي سخت مذمت ڪندي ان ۾ معصوم انساني جانين جي زيان تي گهري ڏک ۽ افسوس جو اظهار ڪيو آهي. پنهنجي مذمتي بيان ۾ هن چيو ته دهشتگردي جي ان ڪارروائي ۾ ملڪ دشمن عنصر ملوث آهن، پاڪستان جي عوام ملڪ دشمنن جو مقابلو ڪرڻ جي ڀرپور صلاحيت رکي ٿي. اطلاعات ۽ نشريات واري وفاقي وزير چيو ته حڪومت ان وقت تائين سک سان نه ويهندي جيستائين ملڪ مان آخري دهشتگرد جو خاتمو نٿو ٿئي.