اسلام آباد – 26 سيپٽمبر (اي پي پي) سينيٽ والاريل ڪشمير ۾ انساني حقن جي خلاف ورزين ۽ ڀارت جي جنگي جنون جي خلاف مذمتي قرارداد منظور ڪندي عالمي برادري کي اپيل ڪئي آهي ته اها والاريل ڪشمير ۾ انسانيت جي خلاف ڏوهن تان ڌيان هٽائڻ جي لاءِ ڀارت کي جنگي ارادن کان منع ڪري. قرارداد سينيٽ ۾ قائد ايوان راجا ظفرالحق پيش ڪئي جنهن ۾ ڪشميري عوام سان يڪجهتي جو اظهار ڪندي چيو ويو آهي ته ڪشميري ڀارتي قابض فوج جي ظلمن جي خلاف ڀرپور مزاحمت ڪري رهيا آهن ۽ هو آزادي جي تحريڪ ۾ هڪ تاريخي باب جو اضافو ڪري رهيا آهن. هو پنهنجي ارادن، قربانين ۽ حوصلي سان هڪ نئين تاريخ لکي رهيا آهن.
