حڪومت پوري ملڪ ۾ هڪ جهڙي ترقي لاءِ پرعزم آهي: وزيراعظم

چترال – 07 سيپٽمبر (اي پي پي) وزيراعظم محمد نواز شريف چيو آهي ته حڪومت پوري ملڪ ۾ هڪ جهڙي ترقي ۽ خوشحالي جي لاءِ پرعزم آهي ۽ خوشحالي جو عزم جاري رهندو. اهڙن خيالن جو اظهار هن چترال جي دوري جي موقعي تي تازي ٻوڏ ۽ زلزلي سبب متاثر ماڻهن جي بحالي بابت ڏني ويندڙ بريفنگ دوران ڪيو. وزيراعظم ان عزم جو اظهار ڪيو ته چترال ۾ سمورا ترقياتي منصوبا عوام جي خواهشن موجب مڪمل ڪيا ويندا. ڊسٽرڪٽ ڪوآرڊينيشن آفيسر چترال اسامه وڙائچ وزيراعظم کي متاثرين جي بحالي لاءِ کنيل قدمن کان آگاهه ڪيو.