اسلام آباد – 06 آگسٽ (اي پي پي) سينيٽ چيئرمين ميان رضا رباني چيو آهي ته سينيٽ کي پبلڪ اڪائونٽس ڪميٽي ۾ نمائندگي ڏيڻ تي حڪومت جا ٿورائتا آهيون، اختيارن جي هيٺئين سطح تي منتقلي جي قدمن خلاف ڪو قدم کنيو ويو ته تاريخ اسان کي معاف نه ڪندي. سينيٽ جي 44 هين يوم تاسيس جي موقعي تي وفاق کي درپيش چئلينج ۽ سينيٽ جي ڪردار جي موضوع تي سيمينار کي خطاب ڪندي هن چيو ته جيڪو بحث پاڪستان قائم ٿيڻ وقت ختم ٿي چڪو آهي ان کي بحث هيٺ آڻڻ جو مقصد درپيش چئلينجن تي پڙدو وجهڻ ۽ اسٽيٽس ڪو برقرار رکڻ جي ڪوشش آهي.