اسلام آباد – 03 آگسٽ (اي پي پي) قومي اسيمبلي جي اسپيڪر سردار اياز صادق چيو آهي ته پاڪستان ترڪمانستان سان متحرڪ پارلياماني لاڳاپن کي هٿي وٺرائڻ جي لاءِ پرعزم آهي. هن اهڙن خيالن جو اظهار پنهنجي ترڪمانستاني هم منصب مسز اڪجاتا جيونا جي سربراهي ۾ پاڪستان جي دوري تي آيل ترڪمانستان جي پارلياماني وفد سان پارليامينٽ هائوس ۾ ٿيندڙ ملاقات دوران ڳالهائيندي ڪيو. اسپيڪر چيو ته پاڪستان ترڪمانستان سان پنهنجي ڀائراڻن لاڳاپن کي قدر جي نگاهه سان ڏسي ٿو ۽ ٻنهي ملڪن جي جاگرافيائي پوزيشن ۽ گڏيل مفاد قومن کي ويجهو آڻڻ ۾ اهم ڪردار ادا ڪري رهيا آهن.
