اسلام آباد – 11 آگسٽ (اي پي پي) وزيراعظم محمد نواز شريف کي افغانستان جي صدر اشرف غني ٽيليفون ڪئي ۽ ڪوئيٽا جي افسوسناڪ واقعي ۾ معصوم جانيون ضايع ٿيڻ تي ڏک ۽ افسوس جو اظهار ڪيو. ڪالهه خميس ڏينهن وزيراعظم آفيس مان جاري بيان موجب افغان صدر وزيراعظم محمد نواز شريف سان ٽيليفون تي ڳالهين دوران دهشتگردي جي واقعي جي شديد لفظن ۾ مذمت ڪندي چيو ته دهشتگردي ٻنهي ملڪن لاءِ گڏيل خطرو آهي ۽ اسان ان جو گڏيل ڪوششن سان خاتمو ڪنداسين.
