اسلام آباد – 11 آگسٽ (اي پي پي) قومي اسيمبلي اليڪٽرانڪ ڏوهن جي ازالي واري بل 2016ع جي اڪثريت راءِ سان منظوري ڏئي ڇڏي آهي، جنهن موجب انٽرنيٽ جي ذريعي اليڪٽرانڪ ڏوهن ۾ ملوث ماڻهن کي مختلف سزائون ۽ ڏنڊ هنيا ويندا، مملڪتي وزير انوشه رحمان سميت ڪجهه ٻين ميمبرن جو چوڻ هو ته انٽرنيٽ ۽ سوشل ميڊيا کي ريگيوليٽ ڪرڻ هڪ خوش آئنده قدم هوندو، ان سان اسان جا ٻار ۽ ٻارڙيون انٽرنيٽ استعمال ڪرڻ دوران پاڻ کي محفوظ تصور ڪندا، جڏهن ته ڪجهه ٻين مخالف ڌر ميمبرن جو خيال هو ته بل سان بنيادي انساني حقن ۽ اظهار جي آزادي تي بندش لڳڻ جو انديشو آهي، جنهن کي گڏجي ختم ڪرڻ گهرجي