اسلام آباد – 18 آگسٽ (اي پي پي) پاڻي ۽ بجلي جي مملڪتي وزير عابد شير علي چيو آهي ته عمران خان جهڙا ماڻهو ملڪ ۾ افراتفري جي سياست چاهين ٿا، هو پنهنجي صوبي ۾ عوام جي خدمت ڪرڻ ۾ ناڪام ٿي ويو آهي، خيبرپختونخواهه ۾ سمورا ٺيڪا جهانگير ترين کي ڏنا ويا آهن، 2018ع ۾ لوڊشيڊنگ جو خاتمو ٿي ويندو. هن اهڙن خيالن جو اظهار صحافين سان ڳالهائيندي ڪيو. عابد شير علي چيو ته وڏن ترقياتي منصوبن ۽ پرڏيهي سيڙپڪاري ۾ اضافي جي ڪري مسلم ليگ (ن) جي مقبوليت وڌي وئي آهي، آزاد ڪشمير ۽ بلدياتي چونڊن ۾ واضح ڪاميابي مسلم ليگ (ن) جي حڪومت جي پاليسين تي عوام جي اعتماد جو اظهار آهي.