اسلام آباد – 14 آگسٽ (اي پي پي) 70 هين آزادي جي ڏهاڙي جي موقعي تي جهنڊو ڦڙڪائڻ واري مرڪزي تقريب جناح ڪنوينشن سينٽر اسلام آباد ۾ ٿي جتي صدر ممنون حسين ۽ وزيراعظم محمد نواز شريف قومي جهنڊو ڦڙڪايو. تقريب ۾ قومي اسيمبلي جو اسپيڪر سردار اياز صادق، چيف آف آرمي اسٽاف جنرل راحيل شريف، وفاقي وزيرن، سفارتڪارن، تعليمي ادارن جي شاگردن ۽ شاگردياڻين وڏي انگ ۾ شرڪت ڪئي. صدر ۽ وزيراعظم جي تقريب ۾ اچڻ کانپوءِ سائرن وڄايا ويا ۽ هڪ منٽ جي لاءِ سڄي ملڪ ۾ ٽريفڪ رڪجي وئي. ٺيڪ 9 وڳي صدر ۽ وزيراعظم قومي جهنڊو ڦڙڪايو.
