ڪراچي – 16 آگسٽ (اي پي پي) صدر ممنون حسين سان سنڌ جي گورنر ڊاڪٽر عشرت العباد خان گورنر هائوس ڪراچي ۾ ملاقات ڪئي جنهن ۾ امن امان قائم ڪرڻ، سيڙپڪاري، ترقياتي منصوبن ۽ دهشتگرد عنصرن خلاف جاري آپريشن تي تفصيلي غور ويچار ڪيو ويو. ڪالهه اڱاري ڏينهن هتي جاري بيان موجب ملاقات ۾ ان عزم جو اظهار ڪيو ويو ته امن قائم ڪرڻ لاءِ سمورا وسيلا ڪتب آندا ويندا. ان ڏس ۾ وفاق صوبائي حڪومت سان ڀرپور تعاون جاري رکندو، ملاقات ۾ ان ڳالهه تي به اتفاق ڪيو ويو ته امن امان قائم ڪرڻ کانسواءِ پرڏيهي سيڙپڪاري نٿي اچي سگهي.