اسلام آباد – 05 آگسٽ (اي پي پي) وزيراعظم محمد نواز شريف چيو آهي ته سندس حڪومت قومي ترقي ۽ خوشحالي جي سياست تي يقين رکي ٿي، اسان سڄي ملڪ ۾ پنهنجي ترقياتي پروگرام تي عملدرآمد جي لاءِ پرعزم آهيون، هن اها ڳالهه پورٽ اينڊ شپنگ واري وزير ۽ نيشنل پارٽي جي صدر مير حاصل خان بزنجو سان وزيراعظم هائوس ۾ ڳالهائيندي چئي. وزيراعظم چيو ته حڪومت جي پاليسين تي عوام جو اعتماد اسان جي قوت آهي، جنهن سبب هو ڪارڪردگي جو مظاهرو ڪري رهيا آهن.