اسلام آباد – 07 آگسٽ (اي پي پي) مسلم ليگ (ن) جي قومي اسيمبلي ميمبر طلال چوڌري چيو آهي ته تحريڪ انصاف خيبرپختونخواهه جي سرڪاري ناڻي مان ريلين تي وڏي رقم خرچ ڪري رهي آهي، خيبرپختونخواهه جي عوام جا مسئلا حل ڪرڻ بدران تحريڪ انصاف جي حڪومت مسلم ليگ (ن) جي حڪومت جي خلاف احتجاج ۾ مصروف آهي. پنهنجي هڪ انٽرويو ۾ هن چيو ته مسلم ليگ (ن) گلگت بلتستان ۽ آزاد ڪشمير سميت سڄي ملڪ جي نمائنده پارٽي آهي ۽ هو عوام جي خوشحالي ۽ ڀلائي لاءِ مصروف آهي. سندس پاليسين سان ملڪي معيشت ۾ بهتري جو اعتراف عالمي سطح تي ڪيو پيو وڃي.