اسلام آباد – 03 آگسٽ (اي پي پي) وزيراعظم محمد نواز شريف چيو آهي ته اڄ جو پاڪستان 2013ع جي پاڪستان کان ڪيترائي ڀيرا وڌيڪ پرامن، خوشحال ۽ مستحڪم آهي، پاڪستان کي دهشتگردي ۽ انتهاپسندي جي پاڇي مان ڪڍي استحڪام ۽ روشن خيالي جي فضا ۾ آڻڻو آهي. هن اها ڳالهه اهم ملڪن ۾ مقرر پاڪستاني سفيرن جي ڪانفرنس جي پڄاڻي واري اجلاس کي خطاب ڪندي چئي. وزيراعظم گذريل ٻن ڏينهن دوران سفيرن جي ڪانفرنس ۾ جوڙيل سفارشن جي روشني ۾ پنهنجي ويزن کي واضح ڪندي پاڪستاني سفيرن کي مخاطب ٿيندي چيو ته اڄ دنيا آڏو پاڪستان جو ڪيس پيش ڪرڻ آسان آهي، توهان پوري اطمينان سان پاڪستان جو تصور دنيا آڏو رکي سگهو ٿا ۽ عالمي برادري کي اهڙي مستقبل طرف ڌيان ڇڪرائي سگهي ٿو جنهن ۾ معاشي خوشحالي به آهي ۽ سرمائي جو يقيني تحفظ به آهي.