اسلام آباد – 05 آگسٽ (اي پي پي) وزيراعظم محمد نواز شريف اميد ظاهر ڪئي آهي ته نئون چونڊيل سنڌ جو وڏو وزير سيد مراد علي شاهه صوبي جي عوام جي امنگن ۽ مينڊيٽ موجب صوبي جي ترقي ۽ بهتري لاءِ ڪوششون ڪندو، وفاقي حڪومت سنڌ جي عوام جي بهتر انداز ۾ خدمت جي لاءِ ان جي ڪوششن ۾ صوبائي حڪومت کي ڀرپور مدد فراهم ڪندي رهندي. هن اها ڳالهه سنڌ جي وڏي وزير سيد مراد علي شاهه سان ڳالهائيندي چئي جنهن وزيراعظم هائوس ۾ ساڻس ملاقات ڪئي. وزيراعظم مراد علي شاهه کي سنڌ جو وڏو وزير چونڊجڻ تي مبارڪباد ڏني.