APP106-10 ISLAMABAD: August 10 - Prime Minister Muhammad Nawaz Sharif addressing during the session of National Assembly. APP

اسلام آباد – 10 آگسٽ (اي پي پي) وزيراعظم محمد نواز شريف چيو آهي ته اسان جو اتحاد ئي شيطاني قوتن کي منهن ٽوڙ جواب ڏئي سگهي ٿو، پاڪستان جي حڪومت عوام، هٿياربند فوج ۽ قومي سلامتي جا ادارا دهشتگردي جي خلاف جنگ ۾ متحد آهن ۽ متحد رهندا ۽ ان جنگ کي منطقي انجام تائين پهچائيندا. قومي اسيمبلي ۾ ڪوئيٽا سانحي تي پاليسي بيان ڏيندي وزيراعظم محمد نواز شريف چيو ته ڪوئيٽا ۾ ٿيل دهشتگردي جي واقعي سڄي قوم کي سوڳوار ڪري ڇڏيو آهي، اسان دهشتگردي کي ختم ڪرڻ جو جيڪو عزم ڪيو آهي ان واقعي سان ان عزم کي جهڪائي نٿو سگهجي، اسان پهرين کان وڌيڪ عزم سان اڳتي وڌنداسين، هن چيو ته گمراهه عنصر ڪڏهن اسماعيلي برادري کي ڪراچي ۾ ٽارگيٽ ڪري رهيا آهن ته ڪڏهن ڪوئيٽا ۾ هزاره برادري کي دهشتگردي جو نشانو بڻائي رهيا آهن