اسلام آباد – 11 آگسٽ (اي پي پي) اطلاعات، نشريات ۽ قومي ورثي واري وفاقي وزير سينيٽر پرويز رشيد چيو آهي ته آزادي ٽرين حڪومت جي نمايان قدمن، ملڪ جي روشن مستقبل ۽ آزادي جي تاريخ سان قوم کي آگاهه ڪرڻ جو روشن سفر آهي.. هو مارگله ريلوي اسٽيشن تي پاڪستان ريلوي، اطلاعات ۽ نشريات واري وزارت ۽ آءِ ايس پي آر جي گڏيل تيار ڪيل آزادي ٽرين جي افتتاحي تقريب کي خطاب ڪري رهيو هو. ريلوي واري وفاقي وزير خواجه سعد رفيق، وزيراعظم جي خصوصي معاون عرفان صديقي، اطلاعات ۽ نشريات واري وفاقي سيڪريٽري صباء محسن، ريلوي واري صلاحڪار انجم پرويز، ريلوي بورڊ جي چيئرپرسن پروين آغا، ريلوي واري پارلياماني سيڪريٽري سيد عاشق علي، ريلوي جي چيف ايگزيڪيٽو محمد جاويد انور کانسواءِ اطلاعات ۽ نشريات واري وزارت ۽ ريلوي واري وزارت جي آفيسرن، سريلنڪا سميت مختلف ملڪن جي سفارتڪارن جو وڏو تعداد موجود هو.