اسلام آباد – 28 جولاءِ (اي پي پي) اطلاعات، نشريات ۽ قومي ورثي وار وفاقي وزير سينيٽر پرويز رشيد چيو آهي ته ڪشمير جي آزادي پاڪستان جي هر ماڻهو جي اولين دلي خواهش آهي، ڪشمير مسئلي تي حڪومت جو موقف پاڪستان جي عوام جي ترجماني ڪري ٿو. ڊسٽرڪٽ بار ايسوسيئيشن اسلام آباد جي اهتمام هيٺ ڪشمير مسئلي جو حل ۽ ڀارتي دهشتگردي جي روڪٿام لاءِ دنيا جو ڪردار“ جي موضوع تي سيمينار کي خطاب ڪندي ڪيو. وفاقي وزير چيو ته واجپائي سان ڪشمير مسئلي جي حل جي ڳالهه ڪرڻ نواز شريف جي ڪاميابي هئي، نواز شريف ڪشمير جي آزادي جي جدوجهد کي منطقي انجام تائين پهچائڻ جي لاءِ 1999ع ۾ وڏي اڳڀرائي ڪئي ۽ واجپائي کي پاڪستان آڻي کيس ڪشمير مسئلو حل ڪرڻ تي آماده ڪيو پر هڪ ڊڪٽيٽر اچي ان سموري عمل کي سبوتاز ڪيو
