اسلام آباد – پهرين جولاءِ (اي پي پي) وزيراعظم محمد نواز شريف ملڪ جي بي مثال اقتصادي بحالي جي لاءِ اڻٿڪ ڪوششن تي ناڻي واري وزير اسحاق ڊار جي قيادت ۾ حڪومت جي اقتصادي ٽيم کي ساراهيو آهي. هڪ بيان ۾ وزيراعظم اقتصادي ميدان ۾ سنگ ميل عبور ڪرڻ ۽ ملڪ کي پائيدار اقتصادي ترقي ۽ خوشحالي جي راهه تي گامزن ڪرڻ تي معاشي ٽيم جي واکاڻ ڪئي. وزيراعظم چيو ته پرڏيهي ناڻي جا ذخيرا 23 ارب ڊالر کان ٽپي ويا آهن جيڪي جون 2013ع ۾ 6.8 ارب ڊالر هئا، پرڏيهي ناڻي جا ذخيرا پاڪستان جي تاريخ ۾ بلند ترين سطح تي پهچڻ موجوده حڪومت جي ڪامياب اقتصادي پاليسين جا عڪاس آهن.