اسلام آباد – 18 جولاءِ (اي پي پي) ايسوسيئيٽيڊ پريس آف پاڪستان جي مئنيجنگ ڊائريڪٽر مسعود ملڪ چيو آهي ته عبدالستار ايڌي پاڪستان جو حقيقي سرمايو هو، سندس لاڏاڻي سان ملڪ انسايت جي تمام وڏي خدمتگار کان محروم ٿي ويو آهي، عبدالستار ايڌي بي سهارا ماڻهن جو محسن هو ۽ مشڪل جي هر گهڙيءَ ۾ پاڪستانين جي لاءِ وڏي اميد هئي، سندس خال سالن تائين پورو نه ٿي سگهندو. اهڙن خيالن جو اظهار هن کارادر ۾ ناليواري سماجي ڪارڪن عبدالستار ايڌي مرحوم جي گهر تي سندس فرزند فيصل ايڌي سان تعزيت جو اظهار ڪندي ڪيو.
