اسلام آباد – 13 جولاءِ (اي پي پي) وزيراعظم جي پرڏيهي معاملن بابت خاص مددگار طارق فاطمي سان هتي پاڪستان جي دوري تي آيل بحريني وفد جي سربراهه عرب وايفرو – ايشيائي معاملن جي نائب سيڪريٽري شيخه رانا بنت عيسيٰ بن دائج الخليفه ملاقات ڪئي. پرڏيهي آفيس جي ترجمان موجب بحريني وفد جي سربراهه سان ڳالهائيندي خاص مددگار طارق فاطمي چيو ته اهم علائقائي ۽ عالمي معاملن تي ٻنهي ملڪن جي موقف ۾ هڪجهڙائي آهي، ٻنهي ڌرين گڏيل دلچسپي جي معاملن تي بحث ڪندي ٻنهي ملڪن جي وچ ۾ ڀائيچاري ۽ ٻڌي تي ٻڌل لاڳاپن کي وڌيڪ مستحڪم خاص طور تي اقتصادي ۽ واپاري شعبن تي ڌيان ڏيڻ جي ضرورت تي زور ڏنو.