اسلام آباد – 16 جولاءِ (اي پي پي) اطلاعات ۽ نشريات واري وفاقي وزير سينيٽر پرويز رشيد چيو آهي ته ترڪيءَ دنيا جو پهريون مسلمان ملڪ آهي جنهن هٿياربند فوج جي بغاوت کي جمهوري طاقت سان منهن ڏنو آهي جيڪو پوري مسلمان دنيا جي لاءِ نيڪ شگون آهي ۽ ترڪيءَ ان ڳالهه جي لاءِ مبارڪباد جو مستحق آهي. هڪ نجي ٽي وي چينل سان ڳالهائيندي هڪ سوال جي جواب ۾ هن چيو ته يقينن سڄي دنيا جي عوام ۽ اسان جي خطي جي عوام مسلمان دنيا جي عوام سڀئي پنهنجي ان حق کي حاصل ڪرڻ چاهين ٿا ته هو تبديلي ووٽ وسيلي آڻيندا ۽ پنهنجي وقت تي تبديلي آڻيندا ۽ تبديلي بيلٽ باڪس سان اچي ٿي، گولي وسيلي تبديلي نه ٿي اچي، عوام استحڪام جي لاءِ محنت ڪندي رهي ٿي، هي ترڪيءَ جي عوام مثال قائم ڪيو آهي جيڪو سموري جمهوريت پسند عوام جي لاءِ حوصلي جو سبب آهي ۽ قابل تقليد به آهي جيڪو واکاڻ جوڳو آهي.
