لاهور – 02 جولاءِ (اي پي پي) اطلاعات، نشريات ۽ قومي ورثي واري وفاقي وزير سينيٽر پرويز رشيد چيو آهي ته انسانيت جي خدمت جي لاءِ وسيلا مهيا ڪندڙ ماڻهو انهن ادارن کي عطيا، زڪوات، صدقا ڏين جيڪي وسيلن کي صحتمنداڻي سرگرمين جي لاءِ استعمال ڪن ٿا ۽ انهن ادارن کي وسيلا فراهم نه ڪن جيڪي نه رڳو معاشري ۾ ڏک درد جو سبب بڻجن پر فرقيواريت، انتهاپسندي کي به جنم ڏين. سُندس فائونڊيشن جي دوري ۽ افطار ڊنر کي خطاب ڪري رهيو هو. ان موقعي تي سُندس فائونڊيشن جي چيئرمين منو ڀائي، صدر ياسين خان سميت ناليوارن صحافين شرڪت ڪئي. وفاقي وزير چيو ته رمضان المبارڪ جي مقدس مهيني ۾ اسان ان ڳالهه جو وچن ڪريون ته حق حقيقي حقدار کي ڏيون. هن چيو ته پاڪستان ۾ درد دل رکندڙ ماڻهو انسانيت جي خدمت جي لاءِ ادارن کي وسيلا مهيا ڪن ٿا پر بدقسمتي سان وسيلن کي اهڙن ڪمن جي لاءِ استعمال ڪيو ويو جن سان نقصان ۽ نفرتن جنم ورتو.