اسلام آباد – 29 آگسٽ (اي پي پي) صدر ممنون حسين چيو آهي ته ملڪ جي ترقي ۽ اقتصادي خوشحالي حاصل ڪرڻ جي لاءِ يونيورسٽين ۾ جديد ۽ تخليقي تعليم تي ڌيان ڏيڻ جي ضرورت آهي. هن اها ڳالهه هائير ايجوڪيشن ڪميشن جي چيئرمين ڊاڪٽر مختار احمد سان ايوان صدر ۾ ملاقات دوران ڳالهائيندي ڪئي. صدر چيو ته حڪومت اعليٰ تعليم جي فروغ لاءِ ڪوششون ڪري رهي آهي، صدر چيو ته نوجوان نسل جي ڪردارسازي بنا تعليم جي مڪمل نٿي ٿي سگهي.
