اسلام آباد – 23 جون (اي پي پي) پاڪستان وٽ نيوڪليئر سپلائرز گروپ جو ميمبر بڻجڻ جون سڀئي صلاحيتون موجود آهن ۽ نيوڪليئر سپلائرز گروپ لاءِ اهو ضروري آهي ته اهو ڀارت ۽ پاڪستان طرفان گروپ جو ميمبر بڻجڻ لاءِ ڏنل درخواستن تي فوري طور غور ڪري، پرڏيهي آفيس جي ترجمان نفيس ذڪريا صحافين کي هفتيوار پريس بريفنگ ڏيندي چيو ته پاڪستان ان گروپ جي ميمبر شپ لاءِ پنهنجن سگهارين صلاحيتن کي اجاگر ڪرڻ جون ڪوششون جاري رکندو، جيڪا بنا متڀيد واري ۽ مقصدي معيار تي ٻڌل اهي، هن چيو ته نيوڪليئر سپلائرز گروپ ۾ شامل ڪيترائي ملڪ ايٽمي عدم پکيڙ واري معاهدي (اين پي ٽي) کي ايٽمي عدم پکيڙي واري معاهدي جو اهم حصو سمجهن ٿا
