اسلام آباد – 21 جون (اي پي پي) پاڻي ۽ بجلي واري مملڪتي وزير عابد شير علي چيو آهي ته مارچ 2018ع ۾ ملڪ کي انڌيرن مان سدائين جي لاءِ ڇوٽڪارو ملي ويندو، جيڪڏهن اسان جي مٿان هڪ پائي جي ڪرپشن ثابت ٿي وڃي ته سياست ڇڏي گهر هليا وينداسين. قومي اسيمبلي ۾ پاڻي ۽ بجلي واري واري وزارت جي ناڻي جي مطالبن تي ڪٽوتي جي رٿن جي حق ۾ بحث ۾ حصو وٺندي ڊاڪٽر شازيه صوبيه چيو ته بجلي نه هجڻ سان تعمير ۽ ترقي بيهجي وئي آهي، توانائي جي شعبي ۾ سيڙپڪاري ڪندڙن کي روڪيو پيو وڃي.