اسلام آباد – 23 جون (اي پي پي) اطلاعات، نشريات ۽ قومي ورثي واري وفاقي وزير سينيٽر پرويز رشيد چيو آهي ته عمران خان عوام کان ووٽ نٿو وٺي سگهي ان لاءِ احتجاج جون ڌمڪيون ڏيندو آهي، 2018ع جي چونڊن کان خوفزده ماڻهو ڌرڻن جون ڳالهيون ڪري رهيا آهن. پمز اسپتال جي آڊيٽوريم ۾ الاقصيٰ ويلفيئر ٽرسٽ جي اهتمام هيٺ ٿيليسيميا جي مريض ٻارن جي اعزاز ۾ منعقد خصوصي تقريب کي خطاب کانپوءِ ميڊيا سان ڳالهايئندي ڪيو. اطلاعات واري وزير چيو ته پمز اسپتال جي انتظاميه ۽ وائيس چانسلر جي صلاحيتن، سندس محنت ۽ لگن کي خراج تحسين پيش ڪرڻ گهرجي جيڪي 8 لک آبادي جي لاءِ جوڙيل سهولت کي 20 لک کان وڌيڪ آبادي جي ضرورتن ۽ ٻين شهرن ۽ صوبن کان ايندڙ مريضن جون ضرورتون پوريون ڪري رهيو آهي.