تاشقند – 24 جون (اي پي پي) شنگهائي تعاون تنظيم جي سربراهه اجلاس جي موقعي تي صدر ممنون حسين ۽ افغانستان جي صدر اشرف غني جي وچ ۾ ملاقات ٿي جنهن ۾ گڏيل دلچسپي جي معاملن تي خيالن جي ڏي وٺ ڪئي وئي. ان موقعي تي پرڏيهي صلاحڪار سرتاج عزيز، پرڏيهي سيڪريٽري ۽ ٻيا عملدار به موجود هئا. صدر ممنون حسين ان موقعي تي چيو ته پاڪستان سمجهي ٿو ته موثر سرحدي انتظام پاڪستان ۽ افغانستان ٻنهي جي مفاد ۾ آهن، طورخم ۾ رونما ٿيندڙ تازا واقعا بدقسمتي ۽ سٺي پاڙيسري ۽ دوستاڻي تعاون جي جذبي سان ڀيٽ نٿا رکن.
