تاشقند – 22 جون (اي پي پي) صدر ممنون حيسن جو ازبڪستان جي گادي واري شهر تاشقند پهچڻ تي والهاڻو استقبال ڪيو ويو جتي هو شنگهائي تعاون تنظيم جي 16 هين سربراهه اجلاس ۾ شرڪت ڪندو. تاشقند ايئرپورٽ تي ازبڪستان جي وزيراعظم شوڪت مرزي يو يواف سندس استقبال ڪيو. ازبڪ هٿياربند فوج جي هڪ دستي صدر کي سلامي پيش ڪئي جڏهن ته روايتي لباس پاتل ٻارڙين صدر کي گلدستو پيش ڪيو، صدر ممنون حسين ۽ ازبڪ وزيراعظم ايئرپورٽ لائونج ۾ ملاقات ڪئي ۽ ٻه طرفي معاملن تي خيالن جي ڏي وٺ ڪئي.
