بنون – 03 مئي (اي پي پي) وزيراعظم محمد نواز شريف چٽن لفظن ۾ چيو آهي ته گدڙ ڀڀڪين کان ڊڄڻ وارا ناهيون، عوام اسان کي مينڊيٽ ۽ مخالفن کي شڪست ڏني، عوام جي خدمت ۽ ملڪي ترقي جي ايجنڊا جي سرگرمي سان پيروي جاري رکنداسين، هڪ پائي جي ڪرپشن به ثابت ٿي وڃي ته نواز شريف هڪ منٽ ۾ گهر هليو ويندو. اهڙن خيالن جو اظهار هن هتي عظيم عاليشان عوامي ميڙ کي خطاب ڪندي ڪيو. وزيراعظم چيو ته اسان بنا سبب جي تنقيد ڪندڙ مخالفن جي چوڻ تي گهر نه وينداسين، هن چيو ته 2013ع ۾ جن ماڻهن خيبرپختونخوا صوبي جي عوام کي سبز باغ ڏيکاريا انهن هتي ڪجهه ناهي ڪيو، پنجاب، سنڌ، بلوچستان جا رهواسي اهڙن سبز باغن ۾ نه ڦاٿا.
