دوشنبي – 12 مئي (اي پي پي) پاڪستان، تاجڪستان، افغانستان ۽ ڪرغزستان جي اڳواڻن ڪالهه خميس ڏينهن وچ ايشيا، ڏکڻ ايشيا (ڪاسا 1000) بجلي منصوبي جي گڏيل طور تي شروعات ڪئي ۽ ان کي سمورن لاڳاپيل ملڪن ۽ ان جي عوام جي خوشحالي جي لاءِ گڏيل طور تي فائديمند قرار ڏنو آهي. وزيراعظم محمد نواز شريف، تاجڪستان جي صدر امام علي رحمانوف، افغانستان جي چيف ايگزيڪيوٽو عبدالله عبدالله ۽ ڪرغزستان جي وزيراعظم جين بيڪوف سورانبائي گادي واري شهر دوشنبي کان اٽڪل 47 ڪلوميٽر پري طورسنزادي شهر ۾ هنيل عظيم پاور ٽرانيمشن ٽاور وٽ منصوبي جي باضابطا شروعات ڪئي.