اسلام آباد – 10 مئي (اي پي پي) صدر ممنون حسين چيو آهي ته پاڪستان زراعت جي سلسلي ۾ ڏکڻ ڪوريا جي واپار مان فائدو کڻڻ جو خواهشمند آهي، ان سلسلي ۾ آبادگارن جي مٽاسٽا پروگرام سميت ڪيترائي ٻيا پروگرام جوڙي سگهجن ٿا. صدر اها ڳالهه ڏکڻ ڪوريا جي عهدو ڇڏيندڙ سفير سونگ جونگ هوان سان ڳالهائيندي چئي جنهن ايوان صدر ۾ ساڻس ملاقات ڪئي. صدر چيو ته پاڪستان جي زرعي يونيورسٽين ۽ ڏکڻ ڪوريا زرعي تحقيقي ادارن جي وچ ۾ تعاون پڻ ان سلسلي ۾ فائديمند ثابت ٿي سگهي ٿو.
