اسلام آباد – 09 مئي (اي پي پي) اطلاعات، نشريات ۽ قومي ورثي واري وفاقي وزير سينيٽر پرويز رشيد چيو آهي ته انساني تهذيب جي ترقي ۾ پاڪستان جي ڪردار جو سڄي دنيا ۾ اعتراف ڪيو وڃي ٿو. اهڙن خيالن جو اظهار هن پرڏيهي معاملن واري وزارت ۾ قديم پاڪستان جي عنوان سان ٽن ڏينهن واري نمائش جي افتتاح جي موقعي تي ڳالهائيندي ڪيو. اطلاعات ۽ نشريات واري وزير پرويز رشيد چيو ته پاڪستان جي پنهنجي هڪ تاريخي حيثيت آهي، پوري دنيا ۾ انساني تهذيب جي ترقي جي لاءِ قديم پاڪستان جو ڪردار واضح آهي.
