دوشنبي – 11 مئي (اي پي پي) وزيراعظم محمد نواز شريف ۽ تاجڪستان جي صدر امام علي رحمانوف خاص طور تي واپار، توانائي ۽ مواصلات جي شعبن ۾ گڏيل لاڳاپن کي سگهه ڏيڻ تي اتفاق ڪيو آهي. قصر ملت ۾ وفدن جي سطح تي اجلاس جي صدارت ڪندي ٻنهي اڳواڻن پاڪستان ۽ تاجڪستان جي وچ ۾ حڪومت ۽ عوام جي سطح تي ويجهي حصيداري تي زور ڏنو. وزيراعظم ڪاسا 1000 شروع ڪرڻ واري تقريب ۾ شرڪت جي لاءِ ٽپهر هتي پهتو هو تقريب اڄ خميس ڏينهن ٿيندي. وزيراعظم نواز شريف اجلاس ۾ ڳالهائيندي چيو ته پاڪستان وچ ايشيا خاص طور تي تاجڪستان سان پنهنجي لاڳاپن کي تمام گهڻي اهميت ڏي ٿو.
