اسلام آباد – 30 مئي (اي پي پي) وزيراعظم جي ترجمان مصدق ملڪ چيو آهي ته وزيراعظم محمد نواز شريف قومي جذبي سان سرشار آهي. صحافين سان ڳالهائيندي هن چيو ته وزيراعظم محمد نواز شريف وفاقي ڪابينا جي اجلاس جي صدارت ڪئي آهي جنهن ۾ ايندڙ مالي سال جي بجيٽ منظور ڪئي وئي آهي. وزيراعظم قومي جذبي سان سرشار آهي ۽ هو نه ٿو چاهي ته ملڪي معاملن ۾ ٿوري به دير ٿئي. هن چيو ته وزيراعظم محمد نواز شريف جي آپريشن جون تياريون مڪمل ٿي چڪيون اهن، برطانوي وقت موجب اڄ اڱاري جي صبح 8 وڳي آپريشن ٿيندو.
