اسلام آباد – 06 مئي (اي پي پي) اطلاعات، نشريات ۽ قومي ورثي واري وفاقي وزير سينيٽر پرويز رشيد چيو آهي ته ملڪ جي اقتصادي بحالي حڪومت جي دانشمنداڻي ڪاروبار دوست پاليسين جو نتيجو آهي. اهڙن خيالن جو اظهار هن اي پي اين ايس جي ايگزيڪيوٽو ڪميٽي جي ميمبرن سان ملاقات دوران ڪيو جن وفاقي وزير سان ملاقات ڪئي. هن چيو ته حڪومت پاران متعارف ڪرايل سڌارن جي ڪري معيشت بحالي طرف واپس آئي آهي ۽ ميڊيا جي صنعت پڻ ملڪ ۾ ان اقتصادي سرگرمي مان فائدو کنيو آهي.