اسلام آباد – 03 مئي (اي پي پي) صدر ممنون حسين چيو آهي ته هاڻي وقت اچي ويو آهي ته مسلمان امت دهشتگردي کي منهن ڏيڻ جي لاءِ گڏيل حڪمت عملي اختيار ڪري ڇو ته دهشتگرد پنهنجي گمراهه ڪندڙ نظرين سبب اسلام کي بدنام ڪري رهيا آهن. صدر اها ڳالهه قطر جي سفير سقربن مبارڪ المنصوري سان ڳالهائيندي چئي جنهن ايوان صدر ۾ ساڻس ملاقات ڪئي. صدر چيو ته اسلام امن جو دين آهي جيڪو انساني جان جي حرمت تي يقين رکي ٿو ۽ بيگناهه ماڻهن جي قتل جي اجازت نه ٿو ڏي.
