اسلام آباد – 07 مئي (اي پي پي) سينيٽ چيئرمين ميان رضا رباني دولت مشترڪه تنظيم جي ميمبر ملڪن تي زور ڏنو آهي ته گڏيل تعاون کي هٿي وٺرائي هڪ ٻئي جي تجربن مان فائدو کڻندي دهشتگردي، غربت، جهالت ۽ ٻين مسئلن تي ضابطو آڻڻ جي لاءِ گڏجي ڪوششون ڪرڻيون پونديون ته جيئن ترقي ۽ خوشحالي جا ثمر عوام تائين پهچائي سگهجن. سينيٽ چيئرمين اهڙن خيالن جو اظهار گذريل ڏينهن اسلام آباد ۾ پڄاڻي تي پهچندڙ ٽن ڏينهن واري پارلياماني اسٽاف ڊولپمينٽ ورڪشاپ جي شرڪت ڪندڙن ۽ دولت مشترڪه تنظيم جي سيڪريٽري جنرل اڪبر خان جي اعزاز ۾ ڏنل آجياڻي کي خطاب ڪندي ڪيو.