اسلام آباد – 04 مئي (اي پي پي) صدر ممنون حسين چيو آهي ته بدعنواني جهڙن مسئلن پاڪستان کي تمام گهڻو نقصان پهچايو آهي. هو وفاقي ايوان صنعت ۽ واپار پاڪستان جي چوٿين اچيومينٽ ايوارڊز جي تقريب کي خطاب ڪري رهيو هو. صدر چيو ته هاڻي معيشت کي سياست تي برتري حاصل آهي جنهن ملڪ جي معيشت مضبوط هوندي اتان جي سياست به سٺي هوندي، ان حوالي سان چين جو مثال اسان جي سامهون آهي، صدر چيو ته پاڪستاني معيشت بهتري طرف گامزن آهي ۽ ملڪ جا سڀئي وڏا انگ اکر مثبت نتيجا ڏيکاري رهيا آهن.
